Lacinka.org heta hramadskaje abjadnańnie, jakoje imkniecca papuliaryzavać i raźvivać bielaruskuju lacinku jak nieadlučnuju častku nacyjanaĺnaj kuĺtury bielarusaŭ.

My pierakananyja, što lios bielaruskaj lacinki ŭ rukach jaje nośbitaŭ, jakija ličać hetuju sistemu piśma boĺš pryvabnaj i śviadoma iduć na ciažki krok admovy ad kirylicy. Heta jichniaja štodzionnaja aktyŭnaść i pazicyja harantujuć zachavańnie bahaćcia i samabytnaści bielaruskaj kuĺtury. My ŭ svajoj dziejnaści imkniemsia padtrymvać takich bielarusaŭ.

Lacinka.org asabliva zasiarodžanaja na bielaruskim slovie: mastackaj litaratury, muzycy, internecie, kampjutarnych prahramach. My padtrymvajem bielaruskich litarataraŭ, muzykaŭ, prahramistaŭ, webmajstraŭ i blohieraŭ, a taksama ŭsich tych, kamu lios bielaruskaj lacinki nieabyjakavy.

Jakaja heta padtrymka?

Niama tut adzinaj madeli. Usio zaliežyć ad kankretnaj situacyji. My stavim pieradusim na talaku, na hramadskuju aktyŭnaść prychiĺnikaŭ lacinki, a nie, napryklad, na granty.

Sajt Lacinka.org maje na mecie ŭ pieršuju čarhu infarmavańnie pra lacinku i dziejnaść arhanizacyi.

Aliaksandar Navicki