Andrej Chadanovič: U pryncypie, staŭlieńnie da lacinki stanoŭčaje. Na pačatku XX st., jak my ŭsie pomnim, hazieta „Naša Niva” vychodzila ŭ dźviuch viersijach: kirylicaj i lacinkaj.
Ja dumaju, što nieskladana navučyć i pryvučyć siabie-aŭtara hetaj lacinkaj karystacca. Moža być z poĺskaha hliedzišča, z hliedzišča poĺskich bielarusaŭ heta nieadčuvaĺna, a čalaviek, jaki žyvie ŭ Bielarusi bielaruskaj i isnuje ŭ śviecie kirylicy, jamu psichalahična dosyć, padazraju, ciažka budzie joj karystacca. Čalaviek, skažam, stalaha vieku, siaredniaha ŭzrostu… Čalaviek dlia jakoha nia budzie nijakaj prabliemy — heta malady internet-karystaĺnik. Voś chto daŭno j paśpiachova piša e-mail’y lacinkaju za miažu! I hetyja buduć z takoj samaj liohkaściu j chutkaściu čytać i pisać. Jinšaja reč, adrazu paŭstaje pytańnie: jakaja lacinka, jakaja redakcyja?
Ja, skažam, u estetyčnych metach u svajoj knižcy niekaĺki vieršykaŭ aformiŭ lacinkaju, alie pišučy jich, skažam, u internecie ź Litvy musiŭ karystacca adnoj lacinkaj, u Poĺščy — jinšym varyjantam. Prosta techničnyja mahčymaści padtrymki litar roznyja. Ja dumaju, što budzie jašče boĺš kašy, čym my zaraz majem z narkamaŭkaj i taraškievicaj.
Dumaju, što ŭ nas budzie piać, šeść, siem, vosiem, dziesiać bielaruskich arfahrafij. Mahčyma, heta navat niakiepska: u nas cikavyja časy, i budzie jašče cikaviej. Alie tak napraŭdu ja dumaju, što heta chutčej pryhožy estetyčny ekśpierymient, heta dobra pasuje ŭ knižcy vieršaŭ, u niejkich efiektnych nadpisach — moža być u reklamie… Alie ci budzie čalaviek čytać nie malieńki vieršyk, a vializarnuju epapieju lacinkaju? U mianie jość surjoznyja sumnievy.
Kamientaryj
tomasz 2007-03-13 00:33:16:
Zyjemy w ciekawych czasach. Pozdrawiam Białorusinow
Imia (abaviazkova)
E-mail (Abaviazkova - nia budzie bačny inšym)
Tvoj kamentar (źmienš | paboĺš)
Dazvolienyja tagi: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>
Papiaredni prahliad: ...