Calkam zrazumielym i lahičnym źjaŭliajecca imknieńnie čalavieka spraścić sabie žyćcio. U svoj čas prahramisty darvalisia da lacinki i adrazu zrazumieli, što farmaĺna jana ad kirylicy adroźnivajecca chiba što toĺki simvalami. Zrazumieli i adrazu stvaryli novuju prahramu — pieršy lacinizatar. Skazać, jakaja mienavita prahrama byla pieršaj, ciažka, bo ŭ liubym vypadku znojdziecca aŭtar, jaki zakryčyć: «A ja jašče ŭ šaścidziasiatyja na perfakartach lacinizatary muciŭ». Mahčyma, tamu nia budziem vyśviatliać, chto byŭ pieršym, a zirniem na fakty, i paraŭnajem dastupnyja siońnia lacinizatary.
Kanvertataraŭ z kirylicy ŭ lacinku zaraz raźvialosia stoĺki, što vylučyć adzin najliepšy z proćmy astatnich, nie pasprabavaŭšy karystacca kožnym, nadzvyčaj ciažka. Heta i źjavilasia padstavaj dlia praviadzieńnia adnosnaha paraŭnańnia lacinizataraŭ, dastupnych siońnia karystaĺniku. Takim čynam, u siońniašnim drive-teście udziel biaruć: Bielazar v3.6.2.2015, CyrLat-HTML v1.1, Cyr/Lat Converter v1.10, Cyr2Lat, kirlat, Moŭny Kanviertar v2.3 i Kir2Lac v2.0.2. Akramia hetaha makrasy dlia Microsoft Word cyrlat i word2000, a taksama try online-lacinizatary.
Pra abstaliavańnie i praces testavańnia
Testavańnie pravodzilasia na anhlijskaj WinXP Pro z vykarystańniem kodavaj tablicy windows-1251 dlia nieunicode’avych prahramaŭ. Kanviertavalasia apovieść V.Bykava «Vaŭčynaja jama» (130Kb). Rejtynh vyličaŭsia jak siaredniaja aryfmietyčnaja punktaŭ, atrymanych lacinizataram za interfejs, chutkaść pracy, jakaść kanviertavańnia, najaŭnaść dadatkovych mahčymaściaŭ i zručnaść karystańnia vynikam pracy prahramy. Punkty adnosnyja i pryviedzienyja mienavita ŭ takoj paśliadoŭnaści. Aceńvalasia toĺki častka prahramy, źviazanaja z lacinizavańniem kiryličnaha tekstu.
Prahramy
Bielazar v3.6.2.2015
Aŭtar: Alieh Azaroŭski
Staronka prahramy: belazar.belinter.net
Pamier: 1,9Mb (razam sa sloŭnikam)
Taki svojeasablivy kambajn, pra jaki ŭžo chodziać liehiendy. Niekatoryja ź jahonaj dapamohaj pišuć teksty svaich tvoraŭ, jinšyja ž prosta abmiažoŭvajucca funkcyjaj pierakladu. I choć pieraklad hety jašče nia vieĺmi daskanaly, u apošnich versijach prahramy źjavilasia funkcyja ekspartu ŭ lacinku, a mienavita jana nas jakraz i cikavić. Prahrama moža zachoŭvać lacinku ŭ kadyroŭcy cp-1257 i ŭ farmacie HTML Unicode. U pieršym vypadku apovieść byla kanviertavanaja ŭ lacinku za 1 siekundu, u druhim vypadku — za 54 siekundy. Alie jakaść kanviertavańnia vielmi nizkaja: slova «вераб’і» kanviertujecca ŭ «vierab’i» u toj čas, kali apostrafa ŭ lacincy ŭvohulie nie isnuje, «у Балоньі» — u «u Balońi», «Заслаўе» pierajšlo ŭ «Zaslaŭie». Fajna, što slova «ЯНКА» bylo lacinizavanaje ŭ «JANKA». Litara «g» uźnikaje ŭ vynikovym tekście ŭ tych i toĺki tych vypadkach, kali prahrama sustrenie spalučeńnie litaraŭ «зг», što vieĺmi drenna, bo boĺšaja častka «g» zastaniecca nieraspaznanaj, a taksama prahrama naŭtykaje lišnich «g» u slovach, dzie druhaja litara ŭ spalučeńni «зг» źjaŭlajecca frykatyŭnym hukam: napryklad, u spalučeńniach korania z prystaŭkaj. prahrama calkam ihnaruje litaru «ґ» i pieradaje jaje ŭ lacinku biez anijakich źmienaŭ. Bylo b dobra pry najaŭnaści ekspartu ŭ kadavańni HTML Unicode zrabić mahčymaść aŭtamatyčnaj ustaŭki HTML-farmatavańnia, prynamsi pieranosu na novy radok. Nia moža pracavać biez ustalioŭki, što taksama nie źjaŭliajecca pliusam prahramy.
Rejtynh: 4.4 (8/2/2/5/5)
CyrLat-HTML v1.1
Aŭtar: Źm. Huliecki
Staronka prahramy: www.geocities.com/belarus_coins/cyrlat.html
Pamier: 1,1Mb (542Kb va ŭstaliovačnym archivie)
Prahrama, jak heta zrazumiela z nazvy pryznačanaja toĺki dlia kanviertavańnia kirylicy ŭ lacinku i zachavańnia vyniku ŭ vyhliadzie HTML-staronki ŭ adpaviednym kadavańni. Moža kanviertavać tekst jak sa źniešniaha fajlu, tak i z admyslovaha polia, kudy jaho treba ŭvodzić. Apovieść z fajla kanvertavalasia krychu mienš za 3 siekundy, z ekranu — za 7. Adrazu kidajecca ŭ vočy, što prahrama zamiest litary «ŭ» uparta vykarystoŭvaje «ū», choć u bielaruskaj lacincy vykarystoŭvajecca pieršaja, a Unicode dazvaliaje vykarystoŭvać liubuju. Taksama nia vieĺmi spadabalasia, što praces ekspartu tekstu z pola na ekranie prahrama robić niapraviĺna z-za čaho ŭźnikajuć dadatkovyja pieranosy radkoŭ. Pra HTML-tehi prahrama taksama ničoha nia viedaje. Aproč taho, «вераб’і» byli pieratvoranyja ŭ «vierabi», «у Балоньі» — va «u Balońi», «з Я.Чачотам» pieratvarylasia ŭ «ź JA. Čačotam» — prabliemy z rehistram litaraŭ. Cikava jašče toje, što slova «функцыі» prahrama kanviertuje ŭ «funkcyji», a «у Заслаўі» — u «u Zaslaūi», choć pravila tut adno i toje ž. /* Tut varta zaznačyć, što zaraz sujisnujuć dva najboĺš raspaŭsiudžanyja varyjanty klasičnaj lacinki: taja, dzie huk [ji] pieradajecca jak «i» i taja, dzie jon pieradajecca jak «ji». Boĺšaść lacinizataraŭ pabudavanyja pad pieršy varyjant, a hety, vidać, — pad druhi. Uvohulie, kali nie skazana advarotnaha, treba ličyć, što kanviertatar vykarystoŭvaje pieršy varyjant lacinki. */ Slova «ЯНКА» tut taksama kanviertujecca ŭ «JANKA», što niesumnienna źjaŭliajecca pliusam.
Rejtynh: 5.8 (8/9/4/1/7)
Cyr/Lat Converter v1.10
Aŭtar: Viktar Aŭtuška
Staronka prahramy: lng.belinter.net
Pamier: 479Kb (228Kb va ŭstaliovačnym archivie)
Vakno prahramy padzielienaje na dźvie častki: u adnoj kiryličny aryginal, u druhoj — vyniki lacinizavańnia. Prahrama maje mahčymaść kanviertavańnia tekstu ŭ adno z troch kadavańniaŭ: CE, Baltic, ASCII. Uvohulie, alharytm pracuje praviĺna, alie, na žaĺ, vynik vieĺmi zaliežyć ad kadavańnia, pryčym karystacca jim ciažka (kali navat uvohulie mahčyma) biez najaŭnaści Baltic codepage, jakaja jość dalioka nia ŭ kožnaha. U kožnym z kadavańniaŭ «Jama» byla lacinizavanaja za kalia 10 siekundaŭ.
Rejtynh: 5.4 (6/6/9/4/2)
Cyr2Lat
Aŭtar: Marat Duchan
Spasylka: dukhan.at.tut.by/latinka/Cyr2Lat.zip
Pamier: 14Kb (niepasredna biblijateka - 2Kb)
Nasamreč heta nie samastojnaja prahrama, a toĺki funkcyja kanviertavańnia, dastupnaja ŭ farmacie lib i ŭ vyhliadzie dll-biblijateki. Tamu najboĺš zručnaj jana budzie pry vykarystańni ŭ jinšych prahramach u jakaści, napryklad, jadra lacinizatara abo funkcyi lakalizacyi interfiejsu prahramy na lacinku ŭ reaĺnym časie. Funkcyja prymaje 3 paramietry: tekst dlia kanvieratvańnia, bufier dlia vyniku i daŭžyniu bufieru. Chutkaść kanvieratvańnia vieĺmi vysokaja: apovieść byla apracavanaja za ŭsiaho toĺki 0,3 siekundy. Alie chiba z «u Balońi» usio roŭna krychu sapsavala ahuĺnaje ŭražańnie.
Rejtynh: 5.25 (-/10/8/0/3)
Kirlat
Aŭtar: Alexander Mikhailian
Spasylka:
Pamier: kalia 50Kb
Roznyja viersii hetaj prahramy chodziać pa internecie, ale znajści sajt, na jakim by jany raźmiaščalisia, nie atrymalasia. Cikava taksama, što viersii nie numarujucca, alie čas ad času dapracoŭvajucca. Raspaŭsiudžvajecca prahrama razam z zychodnym kodam, žyvie ŭ sistemnym treji i maje niekaĺki kirunkaŭ kanviertavańnia, siarod jakich kanviertavańnie z kirylicy ŭ lacinku i nazad. Prahrama pracuje praz bufier abmienu, kanviertujučy tekst, jaki tam znachodzicca, i pierazapisvajučy jaho vynikam. Apovieść byla lacinizavanaja za 11 siekundaŭ, alie vyniki kanviertavańnia nia vieĺmi ŭrazili: «вераб’і» pieratvarylisia ŭ «vierab’i», «у Балоньі» — va «u Balońi», «Заслаўе» — u «Zaslaŭie», ihnarujecca litara «ґ», niezrazumielyja rečy adbyvajucca z adzinočnymi jotavanymi litarami (napryklad, kali heta inicyjaly), taksama pa niezrazumielych pryčynach jotavanyja litary ŭ niekatorych vypadkach pieradajucca z «i» u toj čas, kali musiać z «j». Zručnaja prahramka dlia chutkaha kanviertavańnia nievialikich tekstaŭ, alie jana jašče musić być dapracavanaja.
Rejtynh: 5.0 (8/6/4/2/5)
Moŭny Kanviertar v2.3
Aŭtar: Juraś Michied
Staronka prahramy: www.juras14.net/open.php?r=5
Pamier: 43Kb (u archivie; mahčyma, spatrebicca dadatkovaja biblijateka: 58Kb u archivie)
Adna z najboĺš daskanalych prahramak siońniašniaha ahliadu. Maje tekstavaje polie, jakoje, vidać, pracuje ŭ kadavańni Unicode, dzie, ulasna, treba redagavać tekst i hliadzieć na vyniki. Taksama prysutničaje ručny vybar naboru simvalaŭ dlia ŭvodu. Takaja mahčymaść vieĺmi zručnaja pry adsutnaści kiryličnaj abo lacinkavaj raskladki: prahrama pieratvaraje simvaly klavijatury ŭ simvaly adpaviednaj raskladki i vyvodzić jich na ekran. Chacia krychu naziralisia chiby, kali byŭ vybrany punkt «sistemnaja»: simvaly, jakija źjaŭlialisia na ekranie nie adpaviadali simvalam nacisnutych klavišaŭ u sistemnaj raskladcy. Prahrama taksama maje zvyčku aŭtamatyčna pierakliučyć raskladku na, jak joj zdajecca, najboĺš relievantnuju, ale heta boĺš razdražniaje, bo pierakliučeńnie adbyvajecca ŭ boĺšaści vypadkaŭ tady, kali rabić heta nia treba. Apovieść byla lacinizavanaja za 2 chviliny 6 siekundaŭ. Davoli doŭha. Taksama tut prysutničaje taja ž chiba ŭ «u Balońi», alie «у Заслаўі» kanviertavalasia ŭ «u Zaslaŭi», choć vidavočna, što prahrama pieradaje huk [ji] praz «ji». Daliej karystaĺniku prapanujecca mahčymaść zachavać vynik u adnym ź piaci farmataŭ, siarod jakich jość i Unicode. Simvaly, jakija nie prysutničajuć u kodavaj tablicy zachavańnia zachoŭvajucca ŭ h.zv. «HTML-Unicode». Cikava, što kali vybrać u mieniu punkt «Zachoŭvać u Unicode (HTML)», niekatoryja simvaly zamiest Unicode-kodaŭ zachoŭvajucca ŭ adnoj z centraĺnajeŭrapiejskich kadyrovak, pryčym nie zrazumiela jakaja kankretna heta kadyroŭka. Aproč lacinizavańnia ŭ prahramie taksama prysutničajuć funkcyi kirylizavańnia i prymityŭnaha taraškievizavańnia.
Rejtynh: 6.2 (8/0/7/6/10)
Kir2Lac v2.0.2
Aŭtar: j.Zedlik
Staronka prahramy: www.zedlik.com/prahramy/kir2lac/
Pamier: 263Kb (ustaliovačny archiŭ)
Prahramka z prostym interfiejsam na dva poli — zychodny fajl, vychodny fajl — i polia, u jakoje vyvodziacca ŭsie službovyja paviedamlieńni adnosna kanvieratvańnia padčas pracy prahramy. Uvachodnymi źviestkami źjaŭliajecca plain text u kadavańni cp-1251. Vynik prahrama moža zachavać jak taksama plain text u adnym z čatyroch režymaŭ: lacinkavyja simvaly, jakija nie ŭvachodziać u kadavańnie ASCII zamianiajucca adpaviednymi biaz hačykaŭ, zamianajucca na psieŭdalacinku z ‘ i ^, zamianiajucca na HTML kody i zamianiajucca na liubyja simvaly, vyznačanyja karystaĺnikam. Taksama prysutničaje mahčymaść ekspartu fajlu ŭ HTML-staronku z zachavańniem farmatavańnia, škada toĺki, jano moža być vykananaje toĺki razam z kanviertavańniem u tekstavy fajl. Z dadatkovych mahčymaściaŭ prapanujecca aŭtavyznačeńnie rehistru litaraŭ, jakija ŭ kirylicy pieradavalisia adnym simvalam, a ŭ lacincy — dvuma. I varta zaznačyć, jana navat krychu pracuje. «Vaŭčynaja jama» byla lacinizavanaja za 8, 9 i 11 siekundaŭ u pieršych troch z vyšejzhadanych režymaŭ adpaviedna. Pamylak kanviertavańnia nia vyjaŭliena. Vyrazy kštaltu «яНКА» i «ЯНКА» kanviertujucca ŭ, adpaviedna, «jANKA» i «JANKA». Darečy, isnuje online’avaja viersija hetaha lacinizatara (www.zedlik.com/prahramy/kir2lac- online/), alie jon calkam adpaviadaje win32-prahramie, tamu jak asobny lacinizatar nie razhliadaŭsia.
Rejtynh: 7.8 (9/6/9/8/7)
Makrasy i online-lacinizatary
Makrasy dlia Word i tym boĺš online-lacinizatary — heta zusim jinšaja vahavaja katehoryja i nia mohuć paraŭnoŭvacca z kampiliavanymi binarnikami. Tamu ličby adnosna času kanviertavańnia pryviedzienyja chutčej dlia paraŭnańnia adpaviednych kanviertavaĺnikaŭ pamiž saboj (to bok makrasaŭ z makrasami, a online-lacinizataraŭ — z online-lacinizatarami). Alie heta nie vyzvaliaje jich ad naliežnaj jakaści lacinizavańnia.
Cyrlat
Aŭtar: Aliaksiej Kazan
Staronka prahramy: www.geocities.com/alaksiej (nie pracuje)
Pamier: 34Kb (ustaliovačny archiŭ)
Uvohulie, makrasami nia vieĺmi zručna kanviertavać vialikija teksty. Mahčyma, značnuju roliu ŭ hetaj subjektyŭnaj acency hraje chutkaść kanviertavańnia, jakaja adčuvaĺna našmat mienšaja. Časam zdarajucca cikavyja rečy. Voś i pry lacinizavańni apovieści taksama bylo. Nieviadoma, jakim čynam pracuje makras, alie, napryklad, čverć «Jamy» — roŭna čaćviertaja častka — byla lacinizavanaja za 13 siekundaŭ, palova — užo za 51, a nie za 26, jak možna bylo b zdahadvacca. Calkam apovieść tak i nie byla lacinizavanaja navat za čatyry z palovaj chviliny. Pamylka ź «vierab’i», z «u Balońi», «ґ» makrasu nie viadomaja, mahčymaść pieradačy dygrafaŭ dzviumia litarami ŭ vierchnim registry taksama nie realizavanaja. Taki voś siaredniačok.
Rejtynh: 2.5 (-/0/6/0/4)
Word2000
Aŭtar: chacieŭ zastacca ananimny
Staronka prahramy: nieviadomaja, jość na www.lacinka.org
Pamier: 40Kb (ustaliovačny archiŭ)
Makras ź nia samym liepšym alharytmam pastupovaj zamieny kožnaha simvala padčas šmatrazovaha prahliadu ŭsiaho tekstu. Tym nia mienš, apovieść lacinizavanaja za 98 siekundaŭ, u «vierabjach» zastaŭsia apostraf, usie litary, jakija nie ŭvachodziać u kadyroŭku ASCII, aproč «ŭ», pieradajucca ŭ niapraviĺnaj kadyroŭcy, «ґ» ihnarujecca, u niekatorych vypadkach jotavanyja pieradavalisia z «i», kali nasamreč musili być z «j».
Rejtynh: 2.75 (-/1/6/0/4)
Online-lacinizatar: www.knihi.com
Napeŭna, samy viadomy i samy papuliarny online-lacinizatar. Moža lacinizavać nia toĺki kavalki tekstu z fajlami, a navat sajty ŭ režymie reaĺnaha času. Alie tut kryjecca pastka: lacinizatar „razumieje” toĺki staronki ŭ kadavańni cp-1251. Staronka ŭ kožnym jinšym kadavańni budzie lacinizavanaja niapraviĺna. Paślia zahruzki «Vaŭčynaj jamy» na sierver naziralasia zatrymka ŭ 5 siekundaŭ, paśla jakoj pačaŭ vyvodzicca vynik. To bok apovieść byla lacinizavanaja prykladna za čas, roŭny času zatrymki. Zrešty, kali čas zahruzki samoha fajla i atrymańnia vyniku našmat pieravyšaje čas kanviertavańnia, apošni nia hraje značnaj roli. Pamylki: «vierabi», «u Balońi». Lacinizatar sprabuje aŭtamatyčna vyznačać rehistar dygrafaŭ, adpaviadajučych vialikim litaram, alie praskokvajuć chiby z inicyjalami. «ґ» ihnarujecca, «ŭ» pieradajecca jak «ú».
Rejtynh: 5.0 (4/7/6/4/4)
Online-lacinizatar: www.pravapis.org/latin.asp
Hety lacinizatar pabudavany na reguliarnych vyrazach i kanviertuje tekst šliacham šmatlikich prahliadaŭ usiaho tekstu i zamieny pa adnoj i toj ža litary na jejny lacinkavy adpaviednik. U archivach www.livejournal.com možna navat adšukać zychodny kod na ASP. Apovieść lacinizatar kanviertavać admoviŭsia, skazaŭšy «Request object error ‘ASP 0107 : 80004005′, Stack Overflow». Malieńkija teksty lacinizujucca, alie nia vieĺmi jakasna: «vierabi», «u Balońi». Nijakich dadatkovych mahčymaściaŭ, na žaĺ, nie praduhliedžana.
Rejtynh: 3.0 (5/0/6/0/4)
Online-lacinizatar: slounik.pl
Hety kanviertar moža apracoŭvać teksty ŭ niekaĺkich napramkach, adzin ź jakich lacinizavańnie. Dadzienyja pačynajuć vyvodzicca adrazu paślia skančeńnia zahruzki fajla. Chacia heta śviedčyć toĺki pra toje, što funkcyja lacinizavańnia vyvodzić vynik adrazu ŭ plyń vychadu. Tamu padličyć čas kanviertavańnia možna toĺki siedziačy na kanalie z chutkaściu ŭ nia mienš za 256 KB/sek. Bylo zaŭvažana, što vialikaja kiryličnaja litara «Й» čamuści nie apracoŭvajecca zusim. Mahčyma heta vyklikanaje mierkavańniem, što ŭ zvyčajnym tekście jana nie sustrakajecca. Taksama «вераб’і» kanviertavalisia ŭ «vierab’i», «у Балоньі» — va «u Balońi», «Заслаўе» — u «Zaslaŭie». Litara «ґ» taksama ihnarujecca.
Rejtynh: 4.0 (7/-/5/0/4)
Vyniki
Što ž, čas zrabić peŭnyja vysnovy. Takim čynam:
Bielazar v3.6.2.2015 ⭐ ⭐ ⭐ ⭐
CyrLat-HTML v1.1 ⭐ ⭐ ⭐ ⭐ ⭐ ⭐
Cyr/Lat Converter v1.10 ⭐ ⭐ ⭐ ⭐ ⭐
Cyr2Lat ⭐⭐⭐⭐⭐
Kirlat ⭐⭐⭐⭐⭐
Moŭny Kanviertar v2.3 ⭐ ⭐ ⭐ ⭐ ⭐ ⭐
Kir2Lac v2.0.2 ⭐ ⭐ ⭐ ⭐ ⭐ ⭐ ⭐
Cyrlat ⭐⭐⭐
Word2000 ⭐⭐⭐
www.knihi.com/lacinizatar/ ⭐ ⭐ ⭐ ⭐
www.pravapis.org/latin.asp ⭐ ⭐ ⭐
slounik.pl ⭐⭐⭐⭐
Dobra, što prabliema aŭtamatyčnaha kanviertavańnia kiryličnaha tekstu ŭ lacinku vyrašajecca i srodki jaje vyrašeńnia ŭžo jisnujuć. Dobra, što kožny moža liohka i prosta atrymać lacinkavy tekst z kiryličnaha aryhinalu. Dobra, što karystaĺnik moža navat vybrać sabie kanviertavaĺnik pavodlie ŭlasnaha hustu.
Razam z tym krychu žurbotna, što toĺki adzinki prachodziać prostyja testy. I navat hetyja adzinki nia mohuć pakuĺ zrabić z kirylicy lacinku takoj, jakoj jana musić być nasamreč. Kanviertavaĺnikaŭ jašče čakaje doŭhi šliach udaskanalieńnia, jaki jany abaviazkova projduć. Nia siońnia, nia zaŭtra, alie chutka. Prahres bačny.
Dlia www.lacinka.org j.Zedlik (www.zedlik.com)
Imia (abaviazkova)
E-mail (Abaviazkova - nia budzie bačny inšym)
Tvoj kamentar (źmienš | paboĺš)
Dazvolienyja tagi: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>
Papiaredni prahliad: ...